دولة فلسطين
نقابة المهن التمثيلية في مصر تصدر بيانا لرفض محاولات تشويه الفن بعد أزمة حلا شيحة
تاريخ ووقت الإضافة:
17/07/2021 [ 05:35 ]
نقابة المهن التمثيلية في مصر تصدر بيانا لرفض محاولات تشويه الفن بعد أزمة حلا شيحة
إزالة الصورة من الطباعة

القدس عاصمة فلسطين/القاهرة –دولة فلسطين- علّق الفنان تامر حسني على مهاجمة الفنانة حلا شيحة له، بعدما شارك بفيديو غنائي من فيلمهما “مش أنا” عبر صفحته الشخصية، وهو ما أزعجها.

وقال عبر صفحته الشخصية في “فيسبوك”: “الحقيقة عمري ما بتخيل إني أدخل في نقاش بالشكل ده مع زميل بحترمه وكان في بينا كل خير. للتوضيح بما إنك يا حلا كتبتي بوست وأشركتي الجمهور الكريم معانا بدل ما كنتي تكلميني شخصياً ونتناقش بيني وبينك، فأنا مضطر أرد هنا برضو”.

وتابع: “أولاً أنا عمري ما وعدتك إن الكليب مش هينزل دا محصلش أصلاً يا حلا، مش أنا خالص اللي أوعد وأخلف، الحقيقة أني احترمت كلامي معاكي ووعدتك أشيل مشاهد تانية طلبتيها وشيلتها بالفعل وشكرتيني عليها، ولو حابة تفتكري المشاهد اللي اتشالت بعد إذنك روحي شوفيها في المونتاچ عند الأستاذ عمرو عاكف أو كلميه يبعتهالك كلها موجودة، وبعدين الفيلم بقاله 3 أسابيع في السينمات والكليب موجود جوه الفيلم هو بالنسبالك الحرام إننا ننزل الكليب على اليوتيوب بس”!

واستكمل: :إنما الكليب يتشاف جوه السينمات عادي؟ منطق غريب فعلاً يا حلا، وبعدين هو مش إنتي اللي مضيتي عقد وتقاضيتي عليه مبلغ كبير عشان الدور ده بعينه، هو مش إنتي اللي صورتيه ومثلتيه بنفسك وبمنتهى الرضا ولاّ حد أجبرك؟! وللتوضيح للجمهور الكريم أنا والمخرجة الأستاذة سارة وفيق بعتنالك وكنا بنتحايل عليكي تيجي تشوفي شغلك قبل إصدار الفيلم عشان لو عندك أي ملحوظة تقوليها، ماكنتيش بتردي علينا وتليفوناتك كلها كانت بتقفل في وشنا”.

واستطرد: “إنتي للأسف يا حلا متعاملتيش صح مع الموقف كان لازم تهتمي بأمرك أكتر من كده ولو كان ليكي أي طلب تاني كنت هعمله بكل حب إنما إنتي فجأة اختفيتي ومكملتيش تركيب صوتك في الفيلم ولا جيتي تتصوري عشان أفيش الفيلم أصلًا ومخليتيناش نعرف نعمل أفيش مجمع، وبقيتي تقفلي تليفوناتك وتكنسلي علينا كلنا وبعدين أي فيلم بيبقى له خطة مسبقة في الدعاية وإنتي عارفاها كويس ووافقتي عليها وده كليب رومانسي يعني معقول كنتي عايزة المنتج يشيل كل مشاهدك اللي صورتيها من الكليب ويطلعني بغني وبقول الكلام الرومانسي دا للأستاذ ماجد الكدواني مثلاً هو دا يُعقل؟!”.

واختتم كلماته قائلًا: “أنا زعلان منك جداً يا حلا على مفردات البوست بتاعك غير الموفقة ومستحيل هرد بطريقتك اللي فيها تجريح واتهامات باطلة ليا احتراماً لحجات كتير يمكن فايتاكي بس مش هتفوتني. وهكتفي بالتوضيح ده وربنا يهدي الجميع ويكتبلك كل الخير اللهم آمين”. وأصدرت نقابة المهن التمثيلية، الجمعة، قرارا بالتصدي لكل محاولات الفكري الرجعي لمن يعتزلون الفن تحت غطاء التوبة، حيث انتشرت خلال الساعات الماضية أزمة بين الفنانة حلا شيحة وعدد كبير من الوسط الفني عبر مواقع التواصل الاجتماعي.

وقالت النقابة في بيان صحافي: “يعلن مجلس إدارة نقابة المهن التمثيلية رفضه التام لكل محاولات العودة بنا للوراء بنشر الفكر الظلامي، الذي عاني منه المجتمع المصري طوال عقود، سواء عبر الصفحات العامة في الوسائط الإلكترونية أو الصفحات الخاصة لمن يعتزلون الفن تحت غطاء التوبة وكأن المواهب التي منحها الله للمبدعين خطيئة”.

وأضاف البيان: “ويعلن مجلس نقابة المهن التمثيلية أنه لن يقف ساكنا أمام محاولات تشويه الفن والإبداع الذي يعد أحد المؤشرات الثقافية لتطور الرؤية في المجتمعات المتحضرة”.

واستكمل: “كما يؤكد الدعم الكامل للإبداع والمبدعين في كافة الفنون عامة والمهن التمثيلية خاصة، فخروج 4 من دائرة الفنون وعودتهم المتكررة له إنما تعبر عن تذبذب فكري وربما تحكمها مصالح شخصية وهي حالات نادرة ولا تعبر إلا عن ذاتها”.

واختتم: “ويهيب مجلس نقابه المهن التمثيلية بمقاطعة هذه الصفحات التي يريد أصحابها ان يعود يعودوا برؤيتهم الثقافية للمربع صفر في رجعية جديدة لا تستهدف سوى مصالح خاصة على حساب المصلحة العامة لهذا الوطن الذي لا ولن يبتلع طعم التشدد الذي أفضى للعنف والفوضى”.

ووجه المخرج محمد العدل، رسالة نارية إلى الفنانة حلال شيحة، منتقدًا تبرأها من مشاركتها في فيلم “مش أنا” وكليب “بحبك” مع تامر حسني.

وشارك متابعيه عبر حسابه على “فيسبوك”، قائلاً: “يا ريت بس لما تطلقي مترجعيش تقولي عايزة أمثل تاني يا أستاذة حلا”، حسب قوله.

بدورها هاجمت الفنانة منة فضالي زميلتها حلا شيحا، وقالت: “والله أنا مضايقة جدا من اللي هي بتعملو ده، وعيب هو وقت الشغل تلبس وتسلم وتتصور عادي وبعدين تغلط ليه وبعدين تقلع الحجاب، وترجع تشتغل وتقول كنت غلطانة، وبعدين تناقض ديني وكل حاجة الإنسان المتدين لازم يكون ثابت على كلامه، مش يغير كلامه كل فتره على حسب في جواز وحجاب واعتزاز أو في شهره ونجومية وكافرات وفلوس، وبعدين نغلط في حق الزملاء محدش ضربها على إيديها علشان تشتغل ولا تامر أجبرها تتصور المشاهد دي، مينفعش كده عيب وعيب أوي.

وأضافت: “أنا بحبها برغم إني معرفهاش لكن هي وقعت من عنينا كلنا، ولو هي اعتزلت واختارت البيت ربنا يكرمها يارب ويسعدها بس من غير مواعظ ممكن تكون مؤقتة وغلط في النجوم.

وأعادت حلا، زوجة مسعود، نشر المنشور الذي شاركه حول الموضوع، والذي دافع فيه عن قراراتها.

وكتب معز: “إلى زوجتي الغالية حلا، قادر أفهم انزعاجك نتيجة مرور وقت كبير على تصوير الفيلم ده بسبب كورونا وإن حياتك اتغيرت زي ما أنت قولتي في البوست بكل احترام.. قادر كمان أفهم انزعاجك من التركيز على المشاهد دي وتجميعها رغم الوعد الشفهي بتجنب ذلك من صناع العمل، خصوصا مع نزول الكليب في توقيت له قدسية كبيرة بالنسبة لنا”.

وتابع: “لو كنا نعرف إن الوعد مش كافي علشان يحل المشكلة دي كنا مشينا في حلول تانية.. اللي بينك وبين ربنا فيما يخص أجورك عن أعمالك السابقة مش مضطرة تقوليه لحد.. ومتشغليش بالك بأي كلام بيتقال بغير علم… وقادر أفهم قصدك لما اتكلمتي عن نوع معيّن من المشاهد يعني نوع معيّن من الفن ومش تعميم على الفن كله.. وعاوز أفكرك يا حبيبتي إن رحلتنا هي رحلة بحث عن الحق والخير والجمال”.

Link Page: http://www.s-palestine.net/ar/?Action=PrintNews&ID=142227